Unha persoa tivo que ser evacuada este xoves a un centro hospitalario tras producirse un escape de gas dunha bombona nunha vivenda situada no contorno do quilómetro 3 da estrada PO-223, en Pontevedra. A alerta recibiuse sobre as 21.30 horas.

Os xestores do 112 Galicia deron aviso a Urxencias Sanitarias-061, aos bombeiros de Pontevedra e á Policía Nacional para que se desprazasen ao lugar dos feitos.

Finalmente, a persoa afectada foi trasladada a un centro sanitario debido á inhalación de gas butano, segundo informaron fontes do servizo de emerxencias.