O presidente da Deputación de Pontevedra, Luis López, confirmou a aprobación desta nova axuda que se enmarca no Plan [+Provincia](https://www.depo.gal/-/plan-mais-provincia) 2026-2027.
No núcleo de Bretoña, as actuacións incluirán a mellora da recollida de augas pluviais, a execución da rede de saneamento e a ampliación da sección da calzada. Tamén se renovará o pavimento con aglomerado asfáltico en quente e mellorarase a seguridade viaria coa nova sinalización horizontal e vertical.
En canto ao núcleo de Monllo, levarase a cabo unha explanación e nivelación do terreo, seguida dun recheo e compactación con saburra para aumentar a resistencia da vía. Executarase tamén a pavimentación con aglomerado asfáltico en quente, xunto coa renovación da sinalización e a instalación dun reductor de velocidade para mellorar a seguridade.
“"Avanzamos no reparto dos 85 millóns de € cos que conta este plan, que é unha peza vital para que a nosa provincia siga mellorando e se poidan prestar servizos públicos de calidade."
O presidente Luis López lembrou que os concellos teñen "total autonomía para facer realidade as súas prioridades" dentro deste plan provincial.
