O delegado territorial da Xunta en Pontevedra, Pablo Fernández, visitou as persoas participantes neste obradoiro, que ten unha duración de nove meses. A iniciativa busca mellorar as oportunidades de inserción laboral dos participantes a través da formación en especialidades como operacións auxiliares de acabados ríxidos e urbanización, e albanelaría.
Pablo Fernández destacou o apoio do Goberno galego á aprendizaxe dual, un sistema que permite compaxinar a formación teórica cun traballo efectivo de utilidade pública. Subliñou a alta demanda de traballadores cualificados neste sector e a calidade da formación ofrecida para facilitar a inserción no mercado laboral.
Na provincia de Pontevedra, a Xunta aprobou este ano un total de 24 obradoiros deste tipo, cun investimento próximo aos 11 millóns de euros, que permitirán formar a máis de 450 persoas desempregadas.
