A mellora do Mercado de Abastos de Pontevedra atópase na fase de contratación da dirección de obra. O Concello xa publicou o concurso público para este servizo, ao que destinará unha partida de 10.050,78 euros. As empresas interesadas terán de prazo ata o vindeiro 28 de maio para presentar as súas propostas.

Unha vez que se adxudique este contrato, o goberno municipal poderá formalizar a execución da reforma enerxética do edificio. A empresa Construcciones Ramírez será a encargada de levar a cabo os traballos, cun investimento total de 514.322,90 euros.

O proxecto inclúe a renovación das dúas cubertas interiores do inmoble. Prevese a instalación dun novo lucernario con vidros intelixentes capaces de filtrar a luz solar e a radiación infrarroxa, actuando tamén como un falso teito ou unha segunda pel para o edificio.

Esta intervención nos teitos porá fin aos problemas de goteo que afectaban o edificio, unha demanda das persoas concesionarias dos postos. Ademais, tamén se renovará o sistema de alumeado.