A construción desta nova infraestrutura deportiva foi adxudicada á empresa Garocaprim a finais do ano pasado. O proxecto, cun orzamento de 9.776,80 euros, atópase nunha fase moi avanzada de execución, transformando parte da zona verde da praza nun espazo dedicado á práctica da petanca.

Os traballos consistiron na escavación da área designada e a posterior creación dunha pista de terra axeitada para o xogo. Aínda que as medidas regulamentarias para os campos de petanca son de doce metros de longo por tres de ancho, os concellos adoitan optar por superficies de maiores dimensións para ofrecer máis espazo aos xogadores.

O impulso definitivo deste deporte na cidade de Pontevedra remóntase ao ano 2010, grazas á iniciativa da Asociación Amigos de Campolongo, que contribuíu á súa popularización e á creación de máis espazos para a súa práctica.