O período contabilizado comprende desde as 15:00 horas do venres, 16 de outubro, ata as 23:59 horas do domingo, 18 de outubro. O domingo foi o día que rexistrou máis sinistros, con 13 accidentes de tráfico.
A Central de Coordinación do 061 recibiu 52 chamadas en relación cos accidentes de tráfico, que xeraron 35 asistencias sanitarias. O 64% dos atendidos foron homes e o 36% mulleres. O 35% dos feridos tiña entre 35 e 54 anos.
Por provincias, Pontevedra foi a que máis sinistros rexistrou con 18 accidentes durante os desprazamentos destas datas.
Os recursos sanitarios mobilizados foron 46: ambulancias asistenciais de soporte vital avanzado (3), helicóptero medicalizado (1), ambulancias asistenciais de soporte vital básico (39) e equipos de Atención Primaria (3).
En 39 casos os feridos foron trasladados a centros sanitarios e en catro ocasións atendeuse no propio lugar do incidente.
