A pesar de que os informes técnicos confirman que o Concello cumpre co límite legal de débeda e executa os pagos nun 99%, a normativa estatal esixe a elaboración deste plan. A razón é o incumprimento da regra de gasto e do principio de estabilidade orzamentaria, debido ao uso do remanente de Tesourería para financiar investimentos e modificacións orzamentarias no exercicio de 2025.
Durante o ano 2025, o orzamento inicial de Cerdedo-Cotobade pasou de 5,7 millóns de euros a máis de 9,3 millóns, grazas á incorporación de remanentes e achegas de administracións supramunicipais.
“"A actual regulación estatal en materia de estabilidade orzamentaria é inadecuada, xa que penaliza aos concellos economicamente saneados que utilizan os seus propios aforros."
O Plan Económico Financeiro, que será presentado no Pleno, inclúe as previsións económicas para os exercicios 2026 e 2027. Nel prevese a recuperación do equilibrio orzamentario e o cumprimento da regra de gasto sen necesidade de aplicar recortes, aumentar impostos ou reducir servizos públicos. Outros concellos da comarca, como Ponte Caldelas e Vilaboa, atópanse nunha situación similar debido ao alto nivel de investimento que están a asumir no tramo final do mandato municipal.
