O campo de A Saleta, en San Cristovo de Cea, será o escenario da XXXIII Festa de Exaltación do Pan de Cea os días 4 e 5 de xullo. O evento busca destacar este produto emblemático da gastronomía ourensá a través de diversas actividades.
A xornada do sábado 4 de xullo estará marcada pola XII Ruta dos Fornos. Os asistentes poderán percorrer sete antigos fornos de pan de Cea, degustando pinchos acompañados de viño. A música porana Feitizo de Pau, Grupo de Gaitas Castro Barreiro, Ministreles, Candaira e Maghua, xunto a outras propostas culturais e musicais.
O domingo 5 de xullo celebrarase a propia XXXIII Festa de Exaltación do Pan de Cea. A xornada incluirá a presentación da Exposición Pan de Cea e do libro fotográfico "San Cristovo de Cea onde o Pan é Arte". Posteriormente, terá lugar a lectura do pregón a cargo de Marta Villaverde Acuña, Conselleira do Mar da Xunta de Galicia, seguida da entrega de recoñecementos e o xantar.
A festa concluirá cun concerto de Amigos do Acordeón Terras de Celanova e unha degustación gratuíta do pan.
