O procedemento, que se atopa publicado no Portal de Contratos Públicos de Galicia, está distribuído en dous lotes e inclúe non só o material desbotable, senón tamén o equipamento asociado e os accesorios necesarios para a súa correcta utilización.
O material especificado no procedemento comprende fibras desbotables para láser de holmio e funxibles para morcelador. O obxectivo principal é facilitar a prevención, rehabilitación e tratamento de diversas enfermidades urolóxicas.
Estes instrumentos médicos permitirán abordar de xeito máis sinxelo patoloxías como a hiperplasia prostática benigna ou a litiasis renal. No caso da primeira, os láseres facilitan extirpacións seguras e con menos complicacións. Para a litiasis renal, o uso do láser está especialmente indicado en casos de pedras grandes ou duras, e tamén posibilita a nefrolitotomía percutánea, unha técnica avanzada para cálculos de difícil acceso.
As empresas interesadas en participar neste procedemento de contratación teñen de prazo ata o vindeiro 10 de agosto para presentar as súas ofertas.
