Os mozos ourensáns xa se atopan en Madrid, vivindo un dos momentos máis esperados da súa viaxe. Tras pasar a noite instalados na parroquia do Rosario dos Franciscanos, os peregrinos comezaron a xornada con moita enerxía.

Antes de desprazarse cara ao centro da cidade, o bispo da Diócese de Ourense, Leonardo Lemos, oficiou unha misa matutina para o grupo, ofrecendo un momento de recollimento íntimo. Tras a celebración, o bispo compartiu o almorzo cos mozos nun ambiente de proximidade.