A Policía Local informou dun dispositivo especial de mobilidade que se iniciará ás 22:00 horas e se manterá activo ata a finalización do evento relixioso. A circulación restablecerase de forma progresiva unha vez remate a procesión.

O percorrido da procesión obrigará a pechar varias das principais vías do centro urbano. Entre os cortes previstos atópanse a Rúa Ervedelo, dende a súa intersección con Monseñor José Álvarez ata a Rúa Progreso. Tamén se verá afectada a Rúa Progreso en ambos os sentidos, con desvíos cara á rotonda de Concepción Arenal e cara á zona da Praza de Abastos, onde o tráfico será redirixido cara a Irmáns Xesta.

Ademais, outras rúas do contorno tamén se verán afectadas durante o desenvolvemento do acto relixioso. Estas inclúen a Praza Eugenio Montes, a Rúa Cruz Vermella, a Rúa Lamas Carvajal, a Praza de Santa Eufemia e a Rúa Juan de Austria.

As autoridades recomendan aos condutores evitar a zona centro durante a tarde-noite do mércores e planificar itinerarios alternativos debido ás restricións de tráfico.