Este novo almacén, o número 40 da firma e o terceiro na comunidade galega, chega no ano do seu 20º aniversario. A compañía realizou un investimento superior aos 6 millóns de euros para esta apertura, coa que busca consolidar o seu compromiso cos profesionais da construción e a reforma, ofrecendo solucións para proxectos máis eficientes e sostibles.
A aposta de OBRAMAT inclúe a creación de emprego local e a formación de perfís profesionais. O almacén de Ourense conta con 80 colaboradores, a maioría residentes na zona, que recibiron formación especializada nas últimas tendencias e solucións do sector.
“"Chega OBRAMAT coa ilusión de facilitar o traballo de quen constrúen e reforman cada día, ofrecendo un servizo que se adapta ás necesidades de cada proxecto. Queremos ser un referente no sector pero, sobre todo, un aliado para os nosos clientes."
As instalacións de OBRAMAT Ourense dispoñen de máis de 6.000 metros cadrados e ofrecen un catálogo con máis de 20.000 referencias das principais marcas do mercado, dirixidas a satisfacer as demandas dos profesionais do sector.
