A localidade de Vilanova dos Infantes, pertencente ao concello de Celanova, volve ser o epicentro da cultura popular galega coa celebración da XXIII Romaría Etnográfica Raigame. Este evento, que xa é unha cita marcada no calendario, reúne a milleiros de galegos na vila ourensá coincidindo coas celebracións do Día das Letras Galegas.

Durante a xornada, Vilanova dos Infantes trasládase a unha ambientación medieval, enchendo as súas rúas de artesáns que amosan oficios tradicionais. Os visitantes poderán atopar canteiros, tecedeiras, fiandeiras, ferreiros, zoqueiros e outros profesionais que manteñen viva a tradición. Esta festa conta co recoñecemento de Festa de Interese Turístico de Galicia dende hai máis de dúas décadas.

A romaría dará comezo a partir das 10:30 horas, ofrecendo unha completa xornada de inmersión na cultura e nos costumes de Galicia.