Un grupo de persoas usuarias da entidade Down Ourense desfrutou dunha serie de actividades na Aula Newton Galicia, instalada no Parque Tecnolóxico de Galicia (Tecnópole). Esta aula, pioneira en España, está deseñada para promover as carreiras científicas e tecnolóxicas entre a mocidade a través dun enfoque práctico e innovador, impulsada por Boeing, FIRST Scandinavia, a Xunta de Galicia e Tecnópole.
Na xornada, orientada a fomentar a convivencia e a integración, participaron tamén traballadores de Tecnópole xunto ás súas familias. Todos xuntos experimentaron o pilotaxe de avións mediante simuladores profesionais, afrontando misións de rescate e calculando rutas de voo, unha experiencia similar á que vive o alumnado dos centros educativos da comunidade.
Complementando a temática aeronáutica, os asistentes tamén se entretiveron na construción de paracaídas, realizando un experimento para conseguir que o maior número posible de bólas caesen dende catro metros de altura.
“"É unha experiencia moi diferente das que se adoitan ofrecer na nosa contorna. Resultou enormemente enriquecedora porque, ademais, grupos de persoas diversas on unha actividade conxunta, o cal resulta moi positivo para as dúas partes."
Elena Vaamonde, psicóloga e coordinadora de programas de Down Ourense, destacou a xornada como unha "magnífica oportunidade" para coñecer o mundo da aviación e os simuladores de voo, subliñando o valor da experiencia conxunta entre persoas diversas.
Tecnópole reafirma así o seu compromiso coas organizacións sen ánimo de lucro, apoiando iniciativas que axudan a colectivos con maiores dificultades de acceso a certas propostas educativas e de ocio.
