A competición contará con 12 tramos cronometrados, sumando 149,24 quilómetros de percorrido sobre un total de 489 quilómetros da proba. Os afeccionados son os grandes protagonistas do cartel desta edición, como destacou o presidente da Escudería Ourense, quen agradeceu o apoio do público e dos "crazy fans".
Unha das principais novidades desta edición centrarase nos sistemas de seguridade, un aspecto clave para garantir o bo desenvolvemento da carreira. O vicepresidente da Federación Española, José Vicente Medina, confirmou a presenza dos mellores competidores, subliñando o atractivo que Ourense exerce para os participantes.
“"A Ourense virán os mellores e iso demostra que todos queren vir aquí."
Pola súa banda, o delegado da Xunta en Ourense, Manuel Pardo, enfatizou a importancia do rally para a provincia, asegurando que "apostar polo Rally é apostar por Ourense". Destacou que a proba transcende o ámbito deportivo para converterse nun punto de encontro xeracional, onde "Ourense respira motor".
“"Apostar polo Rally é apostar por Ourense. Esta é máis que unha proba deportiva, é o punto de encontro dunha xeración. Ourense respira motor."
O presidente da Deputación, Luis Menor, pechou o acto proclamando a Ourense como "a catedral do motor en Galicia". Subliñou que o rally reflicte o carácter da provincia e que se atopa "ao nivel máximo nas súas especialidades", augurando que os visitantes "engancharanse á provincia grazas ao rally" e que será "un fin de semana único".
“"Sen desmerecer a ninguén, pero podemos dicir que Ourense é a catedral do motor en Galicia. O Rally reflexa o carácter desta provincia e está ó nivel máximo na súa especialidades. Os que veñan de fora engancharanse á provincia gracias o rally. Vai ser un fin de semana único."
