A cidade de Lugo afrontará un domingo de Arde Lucus especialmente caloroso, coa previsión de alcanzar os 36 graos. Esta situación meteorolóxica enmárcase na primeira onda de calor do verán que afectará a gran parte de España.
MeteoGalicia activou unha alerta amarela por altas temperaturas para o domingo en toda a provincia de Lugo, mentres que na couenda do Miño en Ourense será laranxa. Galicia será unha das comunidades máis afectadas, con rexistros que poderían chegar aos 38 graos no interior, como en Ourense.
Tras un venres con certo alivio térmico pola chegada dunha masa de aire atlántica, as temperaturas volverán ascender a partir do sábado. Espéranse néboas matinais e nubes baixas nalgúns puntos, ademais de chubascos localmente tormentosos pola tarde.
As máximas ascenderán na metade oeste, e o aviso amarelo afectará ao sur de Lugo e ao Miño de Ourense. Mentres Ourense acadará os 36 graos, outras cidades como Santiago rexistrarán 31, Lugo 30, Ferrol 30, Pontevedra 29, Vigo 27 e A Coruña 24.
O calor intensificarase o domingo, con previsións que apuntan a valores por riba dos 35 graos nos vales do Miño e do Sil. A Axencia Estatal de Meteoroloxía (Aemet) sinala que o martes será o día máis caluroso, con 43 graos previstos en Ourense e mínimas de 22.
Para a vindeira semana, a situación meteorolóxica continuará marcada polo aire moi cálido, con temperaturas diúrnas e nocturnas moi elevadas, moi por enriba do habitual para esta época. A probabilidade de precipitacións será baixa, aínda que non se descartan chubascos tormentosos illados.
