Entre os acordos destaca a aprobación de iniciar procedementos de reclamación de danos e prexuízos polas obras de humanización da Avenida de Portugal, financiadas polo Fondo Europeo Next Generation. Tamén se deu o visto e prace ás bases da Escola Municipal Continua de Ourense para 2027 e concedéronse licenzas de obra para unha vivenda unifamiliar en Casixova, Velle, e unha reforma en rúa Celso Emilio Ferreiro.
Desestimouse unha reclamación de responsabilidade patrimonial por unha caída na rúa e acordouse requirir a unha compañía aseguradora que indemnice o Concello polos danos causados por un vehículo nun bolardo na rúa Carriarico. Autorizouse tamén unha modificación do contrato para a implantación dos sistemas de control de tráfico da Zona de Baixas Emisións de Ourense Centro, cambiando a localización dun panel de mensaxe variable.
Aprobouse unha relación de facturas de gastos de exercicios anteriores. Ademais, deuse conta de sentenzas e autos xudiciais e o Concello foi emprazado en dous procedementos ante os tribunais de instancia de Ourense.
