A Consellería do Medio Rural organizou unha saída formativa para o estudantado dos ciclos medio e superior en Aproveitamento e Conservación do Medio Natural e Xestión Forestal e do Medio Natural do CFEA Becerreá. A visita enmárcase nos contidos de prevención e defensa contra incendios forestais.
Na base de Marroxo, o alumnado coñeceu as características do heliporto, as ferramentas empregadas na extinción de lumes e a súa evolución. Na base de Doade, visitaron o aeródromo de ala fixa e aprenderon o protocolo de actuación ante un incendio forestal.
