A localidade de Cariño celebrou este xoves a súa patroa, a Virxe do Carmen, cunha procesión marítima que transcorreu polas augas do cabo Ortegal. O evento, con todo, viuse alterado por un accidente entre dúas embarcacións.
Alredor das 12:30 horas, o velreiro 'Ipanema II', que segundo testemuñas non formaba parte da comitiva oficial, chocou co 'Apóstol San Andrés', un cerqueiro que si acompañaba á imaxe relixiosa. Como resultado da colisión, o velreiro sufriu a rotura do seu mastro.
Salvamento Marítimo tivo que intervir para atender a embarcación accidentada. A embarcación 'Salvamar Shaula', con base no porto de Cariño e que xa participaba na cita, desprazouse ata o lugar para remolcar o velreiro. Por fortuna, os tres tripulantes do 'Ipanema II' resultaron ilesos.
