O Concello de Ordes sacou adiante, co voto en contra do BNG e a abstención do PSOE, os presupostos municipais para o exercicio 2026, que suman 17.283.620 euros. Este incremento, segundo o alcalde José Luis Martínez, débese á "boa situación económica" do Concello, que dispón dun superávit e un remanente de tesourería próximo aos sete millóns de euros.
O BNG lamentou "que o goberno municipal teña mais interese nas festas e festexos que en mellorar a vida diaria da veciñanza", sinalando que se destinan case 400.000 euros a este fin.
O incremento dos ingresos fundamentase nunha maior participación nos tributos do Estado, o aumento da actividade urbanística tras a aprobación do PXOM, licenzas para establecementos comerciais, a actualización da taxa de recollida de residuos, novos ingresos do cemiterio municipal e unha maior achega de subvencións da Xunta e a Deputación da Coruña.
Os nacionalistas tamén aludiron a estas circunstancias, indicando que a maior recadación se debe á taxa do lixo, a venda dunha parcela e á liquidación pendente da bonificación da AP-9, ademais dunha maior achega doutras administracións públicas.
O executivo local achaca o retraso na aprobación das partidas á falta de Presupostos Xerais do Estado e á incerteza sobre a financiamento local. Un real decreto permitiu flexibilizar as regras fiscais, destinando o superávit a investimentos sostibles. O orzamento total, incluíndo remanentes, alcanza os 21,84 millóns de euros, cun aumento dos gastos de persoal pola actualización da plantilla e retribucións.
As inversións previstas superan os 4,95 millóns de euros e céntranse na mellora de infraestruturas, abastecemento e saneamento, instalacións deportivas, mobilidade eléctrica e equipamientos públicos. O Concello non recorrerá a novo endebedamento e continuará reducindo a súa débeda.
Entre as novas obras, inclúense actuacións nas redes de abastecemento e saneamento do plan Hurbe, a reforma dos vestiarios da cidade deportiva de Vista Alegre, a adquisición dunha miniexcavadora, a instalación dun punto de recarga para vehículos eléctricos, a mellora do local social de Adrán, a numeración dixital do termo municipal e a implantación dunha sala de lectura anexa á biblioteca.
