O suceso ocorreu cando a muller, que estaba sentada nun valado, perdeu o equilibrio e precipitouse cara atrás por un desnivel. Foron os membros de Protección Civil e GES de Padrón os encargados de realizar o rescate.
A caída tivo lugar ao redor das nove da noite. A peregrina ferida tivo que ser trasladada a un centro hospitalario para recibir atención médica. A Policía Local tamén se desprazou ao lugar do incidente.
A ermida de Santiaguiño do Monte é un lugar moi visitado polos peregrinos, xa que está ligado á predicación do Apóstolo Santiago.
