A xornada de apertura incluíu unha cata de aceites procedentes de Arjonilla, municipio irmandado con Padrón, que contou coa presenza dunha delegación de veciños e foi dirixida por unha especialista na materia.
Durante toda a fin de semana, as rúas da vila serán o escenario de diversas propostas de lecer. Grupos como Gaeloc, Mazmorra e Miracus, xunto con compañías de teatro e animación como La Nariz Roja, MocMoc e Pablo Méndez Performances, encargaránse de dinamizar o ambiente con música, maxia e malabares.
Entre os actos máis destacados, a Praza de Macías acollerá este sábado, ás 23.00 horas, a produción Quimera, que mestura danza acrobática, maxia e mitoloxía. O peche do evento terá lugar o domingo, ás 22.30 horas, co espectáculo Fire Dragons, recoñecido por realizar a chamarada máis longa do mundo.
