A festa musical arrincará ás 20.00 horas e prolongarase ata as 06.00 da madrugada, ofrecendo dez horas ininterrompidas de música, espectáculo e lecer.
O cartel está encabezado por Omar Montes, unha figura recoñecida da escena urbana e latina. A el súmanse artistas como Reality, Djow, Lauta, Romántico Latino, Borja Solla e Aitor Alfonsín. A organización tamén anunciou que haberá máis sorpresas que se desvelarán proximamente.
O BUUUM! Fest nace coa intención de consolidarse como unha das citas importantes do verán galego, combinando concertos, ambiente festivo e unha posta en escena deseñada para ofrecer unha experiencia completa no espazo de Costa Feira.
