O incidente tivo lugar durante a mañá do mércores, cando dúas mulleres e un home non identificados deixaron o animal nun transportín no interior da oficina. Segundo testemuñas, os individuos apenas pronunciaron unhas palabras, indicando que viñan a deixar o gato porque era "voso".
Unha traballadora da oficina informoulles de que as dependencias de Medio Ambiente non son un centro de recollida de animais. Ante a insistencia dos implicados en deixar o felino, advertíuselles de que se daría aviso á Policía Local para levantar acta do abandono.
“"Viñemos a deixarvos este gato, que é voso."
Tras a advertencia, os tres individuos fuxiron rapidamente no seu vehículo, sen deixar rastro da súa identidade nin información que puidese facilitar o coidado axeitado do animal. O gato, que non tiña marca identificativa nin microchip, foi trasladado ao CAAN de Meis, onde se está a analizar o seu estado de saúde.
A Policía Local de Sanxenxo recordou que o abandono dun animal está considerado unha infracción grave segundo a nova Lei de Benestar Animal (Lei 7/2023, do 28 de marzo), e pode ser sancionado con multas que superan os 10.000 euros.
