Un grave accidente laboral tivo lugar na tarde deste martes na parroquia de Lamas, pertencente ao municipio de Leiro, na provincia de Ourense. Un operario dunha planta de compostaxe resultou ferido de consideración tras sufrir a amputación dunha man mentres se atopaba a realizar as súas tarefas laborais.

Segundo informou o servizo de emerxencias 112 Galicia, o suceso produciuse pouco antes das 17.00 horas. A vítima cortouse a man cunha cadea dunha máquina que estaba a manexar no seu posto de traballo.

A Sala de Operacións do 112, tras ter constancia do ocorrido, alertou de inmediato ao Servizo de Urxencias Sanitarias de Galicia-061. Estes desprazaron ata o lugar do accidente o helicóptero medicalizado con base en Ourense para atender ao ferido.

O persoal sanitario desprazado puido asistir á vítima no punto e posteriormente trasladala a bordo da aeronave. No operativo de emerxencias tamén participaron efectivos do Grupo de Emerxencias Supramunicipal (GES) de Avión e axentes da Garda Civil, que se desprazaron para asegurar a zona e recoller información sobre as circunstancias do accidente.