O suceso tivo lugar de madrugada, pasadas as 5:00 horas, e mobilizou a efectivos de bombeiros de O Morrazo e do Baixo Miño, Garda Civil, Protección Civil e Urxencias Sanitarias-061.
Os sanitarios trasladaron ao centro hospitalario a un home de 93 anos, outro home de 52 anos, unha muller de 51 anos e un menor de idade. As catro persoas foron atendidas tras verse afectadas polo lume ou o fume.
As chamas tamén afectaron a unha zona de monte próxima, polo que se activaron medios de extinción da Consellería do Medio Rural. Segundo informaron fontes da consellería, traballan na zona axentes, brigadas, motobombas e unha pala, á espera de medios aéreos.
