O festival, que xa cumpre a súa cuarta edición, busca honrar a memoria e o traballo de Ángel Viro Caamaño, recoñecido compositor e director da Coral Polifónica do Centro Artístico Sportivo, quen foi nomeado fillo adoptivo de Ponteareas polo seu impacto no patrimonio musical local.
Cinco conxuntos vocais participarán neste encontro, ofrecendo un repertorio variado que inclúe estilos e xéneros diversos. As agrupacións confirmadas son a Coral Centro Artístico Sportivo, a Coral Cantares de Xinzo, a Coral Ars Cantorum de Guillade, a Coral Santa María de Areas e o Coro Gospel Singing with Soul da ESMU Vila do Corpus.
“"Con esta cuarta edición demostramos que a polifonía ponteareá está máis viva que nunca. Conseguimos reunir sobre un mesmo escenario cinco propostas diversas e de altísima calidade que fan que o noso auditorio sexa o epicentro cultural da comarca este domingo."
“"Este encontro non só é unha homenaxe máis que merecida ao mestre Ángel Viro, senón tamén un reflexo vivo do orgullo que sentimos pola nosa música. Ponteareas sempre foi unha terra de grandes voces e de profunda tradición cultural; apoiar o talento dos nosos veciños e veciñas e manter vivo o legado musical é unha prioridade para este goberno."
A organización municipal convida a todos os cidadáns e afeccionados á música a asistir a esta cita cultural. A entrada será gratuíta ata completar a capacidade do auditorio.
