Os días 7 e 8 de agosto, as rúas Oriente e Esperanza de Ponteareas transformaranse nun escaparate ao aire libre para acoller a feira de oportunidades "OuleTea". Esta iniciativa busca dinamizar o comercio local e ofrecer prezos atractivos aos veciños e visitantes.
Os establecementos da localidade sacarán á rúa os seus produtos de tempada, incluíndo moda, calzado e complementos, con descontos directos e prezos "irrepetibles" para liquidar stock. O Concello destaca a importancia de apoiar o comercio de proximidade, que ofrece "calidade, prezos sen competencia e unha experiencia de compra única".
“"O OuleTea é a escusa perfecta para redescubrir o valor do noso comercio local. Queremos que Ponteareas sexa o epicentro das compras de toda a comarca, ofrecendo calidade, prezos sen competencia e unha experiencia de compra única."
A feira terá un horario adaptado para gozar das mellores temperaturas: o venres 7 de agosto de 20:00 a 24:00 horas, e o sábado 8 de agosto de 09:00 a 15:00 horas. Ademais, as xornadas estarán amenizadas pola programación urbana "The Jazz Street", que achegará música en directo e animación ás rúas.
A iniciativa convida a "vivir a vila, apoiar a quen impulsa a nosa economía e gozar do mellor do comercio local" a través da visita a "OuleTea".
