O Museo do Gravado de Ribeira abriu as súas portas este sábado para presentar unha nova exposición que rende homenaxe a Isaac Díaz Pardo, a través dos gravados da artista Yolanda Carbajales. A mostra, que poderá visitarse ata o 5 de setembro, explora a obra do recoñecido intelectual galego dende unha nova perspectiva artística.
A exposición está composta por seis gravados, cada un acompañado das súas matrices orixinais. Carbajales emprega a técnica da mezzotinta, un proceso que demanda unha notable habilidade técnica, paciencia e rigor artesán, para reinterpretar as pezas pictóricas de Díaz Pardo, achegando a súa propia visión creativa.
“"O talento dunha artista que rende tributo a unha das grandes figuras da cultura galega nunha serie de imaxes que recrean a obra pictórica do falecido intelectual, ademais dun retrato del con grande detalle que lle outorga un realismo fascinante."
Na inauguración estiveron presentes tamén o vicepresidente da fundación, Javier Expósito; o primeiro tenente de alcalde, Vicente Mariño; e o director do museo, Xoán Pastor. A rexedora destacou a homenaxe a Díaz Pardo, a quen se lle dedicou o Día das Artes Galegas de 2025, e a creación dun mundo artístico a partir da obra doutro artista, incorporando símbolos e un retrato detallado.
Ademais da exposición, presentouse un estoxo para bibliófilos deseñado pola artista. Esta edición única e limitada a 35 exemplares contén os seis gravados orixinais que integran a serie, ofrecendo aos coleccionistas unha oportunidade exclusiva.
