A iniciativa, denominada Servizo de Interés Municipal (Simu), xorde dun acordo entre a administración local, a Consellería de Presidencia, Xustiza e Deportes e a empresa adxudicataria do transporte. O obxectivo principal é facilitar a mobilidade dos usuarios e reducir a afluencia de vehículos privados nas proximidades do areal durante os meses de xullo e agosto.
Os desprazamentos realízanse desde a terminal situada na avenida do Malecón. De luns a xoves, o servizo conta con saídas ás 13.00 e 16.30 horas, con regresos programados para as 19.30 e 20.30 horas. Pola súa banda, as fins de semana e venres, a oferta amplíase con saídas ás 13.30, 16.00 e 17.00 horas, e retornos ás 19.30, 20.30 e 21.00 horas.
Esta medida busca potenciar un dos recursos turísticos máis destacados do municipio, ofrecendo unha alternativa de transporte colectivo que mellora a oferta actual e contribúe a diminuír a conxestión viaria na zona costeira.
