A aprobación desta ferramenta supón un cambio significativo na xestión interna da administración local. A RPT servirá para adaptar a organización municipal ás necesidades actuais, establecendo unha estrutura clara para os postos de traballo existentes.
O proceso de elaboración e posterior validación contou coa participación da representación sindical e a predisposición ao diálogo por parte do goberno local. Este consenso permitiu desbloquear un trámite que levaba anos pendente de resolución no municipio.
