A Pobra do Caramiñal deu a coñecer a novena edición do Premio de Literatura Infantil Carlos Mosteiro, unha iniciativa cultural que mantén o seu prestixio na literatura infantil galega. A convocatoria conserva a dotación económica de 3.000 euros e a publicación da obra gañadora a través da Editorial Galaxia.
Na presentación participaron a concelleira de Cultura, Patricia Lojo; o director xeral da Editorial Galaxia, Marcos Calveiro; e a presidenta da Asociación Cultural Barbantia, Chus Blanco. O Concello considera importante manter este compromiso para que o premio siga sendo atractivo para os autores e autoras.
Patricia Lojo destacou a importancia da iniciativa, que une cultura, literatura e lingua galega, e o seu significado ao levar o nome de Carlos Mosteiro, persoa vinculada á Pobra, á educación e á literatura. Manter o premio é tamén preservar a súa memoria achegando lectura e cultura ás novas xeracións.
A concelleira subliñou que o obxectivo é que os libros cheguen á infancia da Pobra, aos centros educativos e aos fogares. "Un premio literario ten todo o sentido cando a obra acaba nas mans de quen a le", sinalou Lojo, expresando o desexo de que as historias presentadas se convirta en libros que os nenos e nenas disfruten e lembrén.
Desde o Concello animouse ás escritoras e escritores a participar nesta nova edición. Lojo agradeceu a colaboración da Editorial Galaxia e da Asociación Cultural Barbantia, destacando que o premio é posible grazas á suma de vontades. "Estamos apostando polos libros de hoxe, pero tamén polas lectoras e lectores de mañá", concluíu.
