A acción, enmarcada na loita contra o furtivismo, foi executada polo buque Sebastián Ocampo, pertencente ao servizo da Consellería do Mar. Esta incautación prodúcese nun momento crítico, xa que a veda do polbo comezou o pasado 1 de maio e estenderase ata o 1 de xullo, período no que a pesca desta especie está prohibida para permitir a súa recuperación.
“"O furtivismo é grave sempre, pero en época de veda, aínda máis!"
Os 430 aparellos de plástico incautados estaban equipados con 4.000 metros de cabo, o que evidencia a magnitude da actividade ilegal. Este operativo súmase a outras intervencións recentes na costa de A Guarda, que subliñan o compromiso das autoridades na erradicación desta práctica.
A finais de marzo, Gardacostas xa incautara 480 aparellos, 155 nasas sen identificar e 84 quilos de polbo. A principios de abril, outra operación resultou na incautación de 200 aparellos e 57 exemplares de polbo de menos de 100 gramos, todos eles na mesma zona costeira, reforzando a vixilancia na área.
