A localidade coruñesa concentrou a atención do taekwondo internacional coa celebración dos Kinder Games Internacionais 2026. O evento atraeu a centos de especialistas de relevancia mundial, que hoxe chegan á súa xornada de clausura.
Entre os asistentes destacaron figuras de renome como Moustapha Akkouh, adestrador olímpico e delegado europeo da Federación Mundial de Taekwondo; Gabriel Mercedes, medallista olímpico; os especialistas mexicanos Salvador Allende e Inelba Allende, creadores do sistema educativo 101 Xogos Aplicados ao Taekwondo; Alma Sandoval e Armando Lara, fundadores das Academias Lara e expertos en formación de base; e Raúl Passos, coordinador para Europa do programa 101 Xogos Aplicados ao Taekwondo.
A comitiva foi recibida na Casa do Concello de Porto do Son, onde o alcalde, Luis Oujo, e o concelleiro de Deportes, Carlos Lorenzo, deron a benvida aos invitados. Ambos destacaron o orgullo da localidade por ser anfitrioa dun evento de tal magnitude.
