A Consellería do Medio Rural informou hoxe do control do incendio forestal que se orixinou na parroquia de Lesende, no concello de Lousame (A Coruña). O lume, que comezou ás 17,32 horas do pasado venres, día 14, foi dado por controlado ás 08,47 horas desta mañá.
Segundo as últimas estimacións provisionais, o incendio afecta unha superficie de arredor de 30 hectáreas. Para a súa extinción mobilizáronse un total de 2 técnicos, 21 axentes, 32 brigadas, 24 motobombas, 3 pas, 1 unidade técnica de apoio, 9 helicópteros e 4 avións.
A Consellería do Medio Rural recorda a importancia de alertar sobre calquera lume forestal chamando ao número gratuíto 085. Tamén se dispón da aplicación móbil ALume para avisar sobre incendios activos e dun teléfono anónimo, 900 815 085, para denunciar actividades delituosas relacionadas con incendios. A información actualizada sobre incendios de máis de 20 hectáreas está dispoñible na conta de X @incendios085.
