A xornada, que tivo lugar no restaurante Asador Coto Real, serviu para que os veciños e veciñas do municipio de Rábade puidesen gozar dun ambiente festivo e de reencontro. Os participantes compartiron mesa e conversación, nunha iniciativa pensada especificamente para o colectivo de maior idade da localidade.

O programa de actividades incluíu a entrega dun obsequio por parte do Concello a todos os asistentes, así como un sorteo de agasallos que se celebrou ao remate da xornada. Desde o goberno municipal destacaron a elevada participación neste evento, que xa se estableceu como unha cita ineludible no calendario social de Rábade.