A decisión, anunciada polo presidente do Goberno, Pedro Sánchez, forma parte dun proceso de desconcentración de organismos públicos. Lugo competía con outras sete cidades: Toledo, Granada, Zaragoza, Murcia, Barcelona, León e Oviedo.
A ministra de Sanidade, Mónica García, celebrou a elección de Zaragoza a través dunha publicación en X, afirmando que se baseou en "criterios obxectivos e concorrentes".
“"Desprecio"
Non obstante, o Goberno local de Lugo lamentou o "desprecio" do Goberno central ao deixar fóra a candidatura galega, que, segundo argumentan, cumpría con méritos obxectivos, capacidade técnica e un amplo respaldo institucional. Dende o consistorio cren que a elección da capital aragonesa respondeu a "criterios políticos".
A decepción tamén se manifestou en Granada e León, que cualificaron a decisión de "inxustiza". O alcalde de Oviedo, Alfredo Canteli, atribuíu a elección de Zaragoza á "inacción do Goberno rexional" de Asturias.
A Región de Murcia, aínda que felicitou a Zaragoza e ofreceu a súa colaboración, reivindicou a calidade da súa propia candidatura, destacando a súa "capacidade científica, docente, investigadora e loxística".
Pola súa banda, o presidente de Aragón, Jorge Azcón, cualificou de "histórica" a elección de Zaragoza, prevendo que suporá "un antes e un despois" para a sanidade aragonesa e española.
