Tras o revés sufrido no Anxo Carro, o extremo manchego Víctor Pastrana expresou a súa confianza en que o conxunto lucense poida recuperar o seu mellor nivel e acadar a vitoria no encontro que os enfrontará ao Ourense CF. O partido, que se disputará este sábado ás 16:15 horas no campo de O Couto, será transmitido por TVG2.
Pastrana tamén se referiu á lesión do seu compañeiro Josep Gayá, mostrando o apoio do equipo. Sobre a filosofía do adestrador Álex Ortiz, destacou a súa satisfacción por volver á titularidade na súa posición habitual, a perna cambiada, e a súa intención de seguir rendendo ao máximo.
“"Sabemos que vai ser un partido complicado porque eles xóganse moito, o manter a categoría. Sabemos que é un equipo moi intenso, que transita ben. Non sabemos moi ben o que van a plantexar contra nós, polo que temos que ir ao noso, porque somos os importantes e dos que temos que preocupar máis."
En canto ao ambiente no vestiario, Pastrana asegurou que o equipo está tranquilo e sen presión, a pesar de que o resultado anterior non foi o esperado. Subliñou que o obxectivo da tempada está claro desde o principio e que cada semana é unha nova oportunidade para mellorar e buscar a vitoria.
O xogador tamén fixo un chamamento á afección para que acuda en masa a O Couto, destacando a importancia do seu apoio para o equipo. A venda de entradas para o derbi foi significativa, e Pastrana espera que o estadio presente un gran ambiente para animar ao CD Lugo.
