A infraestrutura, que conta cunha superficie de 5.700 metros cadrados e 148 prazas de estacionamento, foi executada cun investimento próximo ao millón de euros. O grupo socialista sinalou que a escasa afluencia de vehículos pon en risco a utilidade desta obra para a cidade.
Entre as propostas formuladas para incrementar a súa utilización, suxírese a posta en marcha de campañas informativas, a mellora da sinalización desde os accesos á cidade e a súa integración con itinerarios peonís e ciclistas. Tamén se propón estudar incentivos vinculados ao estacionamento regulado dentro dunha estratexia de mobilidade máis ampla.
A formación política criticou a falta de coordinación na planificación do proxecto e a ausencia de servizos que foran anunciados inicialmente, como sistemas de videovixilancia ou puntos de recarga para vehículos de mobilidade alternativa.
