O Concello de Lugo constituíu a primeira Mesa de Coordinación Policial prevista no Protocolo de colaboración e coordinación entre as Forzas e Corpos de Seguridade do Estado e a Policía Local para a protección das vítimas de violencia de xénero (Viogén).
Na xuntanza celebrada esta mañá, á que asistiron representantes da Policía Nacional, da Subdelegación do Goberno e da Policía Local, acordouse manter un novo encontro a principios de 2027. Tamén se propuxo incorporar á mesa á policía autonómica e a representantes do Centro de Información da Muller (CIM), así como crear mesas intersectoriais cos servizos sociais.
A constitución desta Mesa dá cumprimento ao establecido no protocolo promovido pola Federación Española de Municipios e Provincias (FEMP) e o Ministerio do Interior, ao que o Concello de Lugo se adheriu formalmente o 5 de maio de 2025. O obxectivo é favorecer unha atención coordinada e eficaz para as vítimas de violencia de xénero.
