A iniciativa, que buscaba visibilizar a lingua galega mediante a colocación anual da palabra escollida pola Real Academia Galega e a Fundación Barrié, atópase detida dende o cambio de executivo municipal. A formación nacionalista sinala que este espazo se converteu nun punto de interese cultural e turístico na cidade.
Dende o BNG critican que non se teña incorporado a palabra seleccionada para o ano 2025. Así mesmo, a formación vincula esta falta de continuidade con outras decisións institucionais tomadas polo goberno local respecto a símbolos e acordos plenarios previos.
O proxecto, inaugurado en abril de 2025, contou na súa posta en marcha coa participación de representantes da Real Academia Galega e membros da corporación municipal, consolidándose como un elemento de posta en valor do patrimonio lingüístico na rúa Menorca.
