As forzas de seguridade investigan a volta de bandas organizadas a Lugo, que tentan cometer roubos marcando vivendas. Esta semana detectáronse varias destas marcas, especialmente na zona de República Arxentina.
O método consiste en colocar fíos de plástico ou silicona entre a porta e o marco. Se ao regresar uns días despois os fíos seguen intactos, os delincuentes confirman que a vivenda está baleira e proceden ao asalto.
Veciños dun edificio alertaron á Policía Nacional tras atopar estas marcas recentes nas portas. "Non é a primeira vez que nos pasa", explicou unha veciña, "xa nos marcaran hai meses, pero esta vez os fíos eran recentes e estaban todas as portas marcadas no inmoble". Os axentes tamén acudiron a outro inmoble por feitos similares, sen que se producisen roubos.
Nos últimos meses rexistráronse varios asaltos en zonas como Recatelo, Paradai, a Avenida de Magoi e arredores da Avenida Ramón Ferreiro. Os ladróns aproveitan a ausencia dos propietarios para levar xoias e diñeiro en efectivo.
Nun dos roubos recentes, os delincuentes levaron xoias pero descartaron obxectos tecnolóxicos. Noutra vivenda, subtraeron ferramentas de valor tras saltar un muro exterior. Nalgúns casos, as cerraduras non presentaban signos de forza, suxerindo que actuaron con axilidade e incluso deixaron rastros como olor a tabaco.
As investigacións policiais relacionan estes feitos con roubos anteriores na Avenida Ramón Ferreiro, onde tamén se centraron en diñeiro e xoias, ignorando obxectos voluminosos.
As forzas de seguridade recoñecen que estes actos son obra de bandas itinerantes, a miúdo procedentes de países do Leste de Europa, que operan a nivel nacional. Estas organizacións son moi rápidas e poden desvalijar varias vivendas nun mesmo día, sendo especialmente activas nos últimos meses.
