O delegado territorial da Xunta en Lugo, Alfonso Villares, destacou na presentación que a iniciativa busca "poñer en valor o talento dos nosos creadores" e fomentar a produción literaria galega. O libro é o resultado do certame homónimo que este ano celebrou a súa terceira edición.
A iniciativa, organizada polo colectivo Egeria, Brandán Comunicación e a Uned de Lugo, contou con seis sesións entre febreiro e xuño, cada unha protagonizada por unha parella de autores e coordinada polo escritor Xosé Carlos Ulloa.
Os creadores participantes nesta edición son Diana Varela Puñal, Chelo Gayoso Díaz, Alicia Fernández Díaz, Elena Pérez López, Xosé Lois García, Ramón Rodríguez Porto, Xacobe Sánchez Quintela, Xosé Antón Cascudo, Eduardo Carreira López, Ánxela Gracián, Ana Mar Fraga Rábade e Mari Luz Balsa Rábade.
O acto de presentación tivo lugar no Concello de Lugo e contou coa presenza da alcaldesa, Elena Candia; o presidente de Egeria, Xulio Xiz; a directora do centro asociado da Uned en Lugo, Ana Traseira, e varios dos autores incluídos na publicación.
