A deportista lucense Nerea Murado Corredoira foi recibida hoxe no Salón de Plenos do Concello de Lugo pola alcaldesa, Elena Candia, e polo concelleiro de Deportes, Damián Carballo. O motivo foi felicitala polos dous títulos nacionais acadados no Campionato de España de Armas Deportivas, celebrado en Las Gabias (Granada) do 1 ao 4 de outubro.
Murado, integrante do Club de Tiro San Froilán, alzouse coa medalla de ouro na modalidade feminina de pistola aire velocidade, cunha puntuación de 22 tocados. Ademais, logrou o triunfo por equipos xunto ao seu marido, Yelco Silva Novo, e o seu irmán, Héctor Murado Corredoira. O trío sumou un total de 64 tocados, impoñéndose na competición.
“"Un éxito que, ademais dos méritos individuais, se vive e se celebra en familia, compartindo a paixón polo tiro e o traballo que hai detrás destes resultados."
A alcaldesa destacou o exemplo de Nerea Murado, subliñando que a súa traxectoria demostra que con esforzo, constancia e ilusión as mulleres poden alcanzar os seus obxectivos no ámbito deportivo. Tamén resaltou o importante compoñente familiar deste éxito, xa que compartiu o triunfo por equipos co seu marido e irmán.
