A xornada, dirixida por Aurora Goás, reuniu a catro especialistas en medicina familiar, xinecoloxía, psiquiatría e nutrición para abordar a menopausia, resolver dúbidas e desterrar mitos e falsas crenzas.
A alcaldesa de Lugo, Elena Candia, participou na apertura institucional. Interviron Ainhoa Rois García (medicina familiar), Ana López Domínguez (xinecoloxía), Paula Cores (psiquiatría do HULA) e Sara Barreiro (dietética e nutrición).
As profesionais recalcaron a importancia de normalizar a menopausia, acudir a atención primaria e recorrer a outros sanitarios cando sexa necesario. Tamén se destacou a alimentación saudable, a actividade física e a aceptación dos cambios físicos.
A concelleira Aurora Goás pechou o encontro, defendendo unha visión positiva da menopausa e a necesidade de vivila con información e benestar, sen asociala a imaxes de fraxilidade.
O Concello de Lugo busca con esta iniciativa visibilizar a menopausia, facilitar información rigorosa e ofrecer un espazo para resolver inquedanzas.
