A Consellería do Medio Rural informou este mércores do control do incendio forestal rexistrado no concello lucense de Guntín, parroquia de Sirvián. O lume, que se orixinou ás 16.17 horas de onte, foi dado por controlado ás 16.22 horas de hoxe.
Segundo as últimas estimacións provisionais, o incendio afecta unha superficie de 30 hectáreas. Para a súa extinción mobilizáronse un total de 2 técnicos, 20 axentes, 23 brigadas, 19 motobombas, 3 pas, 5 helicópteros e 3 avións.
A Consellería do Medio Rural aproveita para lembrar á cidadanía a importancia de alertar sobre calquera lume forestal. Para iso, pon a disposición o número de teléfono gratuíto 085. Ademais, existe a aplicación móbil ALume para avisar sobre incendios activos en Galicia e un teléfono anónimo e gratuíto, 900 815 085, para denunciar actividades delituosas incendiarias.
Toda a información actualizada sobre incendios forestais que acadan as 20 hectáreas poderá ser consultada na conta de X (anteriormente Twitter) @incendios085.
