Un axente de seguros con máis de trinta denuncias por estafa foi atacado na rúa en Lugo por un cliente ao que supostamente enganara. O home resultou ferido de escasa entidade e o suceso será tramitado como un delito leve, sen que se producira a detención do agresor pola Policía Nacional.

O presunto estafador xa fora detido a principios do ano pasado por cobrar pólizas sen darlle de alta. Acúsaselle tamén dunha estafa a unha persoa con discapacidade, á que supostamente utilizou a súa identidade para dar de alta liñas de móbil e outros servizos de telefonía. A investigación orixinouse tras detectarse cargos bancarios en contas de compañías telefónicas coas que o afectado non tiña contrato.

O individuo, que xa fora arrestado en varias ocasións nos últimos dous anos por feitos similares, tiña sedes en Rúa Armónica, Lamas de Prado e Alexandre Bóveda, carecendo de licenza de actividade. En maio de 2023, confirmouse que polo menos cinco compañías aseguradoras de toda España resultaran afectadas pola súa actividade ilícita, xa que xeneraba falsas pólizas e cobraba aos clientes en man, sen tramitalas.

O seu modus operandi consistía en cobrar as pólizas e non as xestionar. Cando ocorría un sinistro, daba de alta a póliza nese momento e comunicábao á compañía como posterior ao alta, conseguindo en ocasións que as aseguradoras cubrisen os sinistros, sendo estas as estafadas.

Dous meses antes dunha detención anterior, xa fora arrestado tras detectarse que daba de alta a condutores sen seguro obrigatorio en vigor. Polo menos sete persoas denunciaron entón que contrataran servizos co mesmo corredor, quen lles entregaba un documento manuscrito pero non tramitaba a póliza, deixándoos desprotexidos.

Ademais, o home anunciou a apertura dunha oficina en Meira cun call center para venda e xestión de seguros, prometendo crear unha ducia de empregos, proxecto que nunca chegou a materializarse.