A localidade de Cee será o escenario este venres, 5 de xuño, da presentación do libro La niña del columpio. A obra, escrita por Miguel López e Rebeca Cernadas e publicada por Medulia Editorial, aborda a esclerose múltiple dende unha perspectiva íntima e positiva, a través das historias de Álvaro e Martina, os seus protagonistas.

Os autores relatan como os camiños de Álvaro e Martina se cruzaron na Costa da Morte, concretamente no centro cívico de San Diego, onde ambos coincidiron nunha conferencia sobre a enfermidade que comparten e que os uniría para sempre.

O acto, que comezará ás 20.00 horas, contará coa presenza da alcaldesa de Cee, Margarita Lamela, e da escritora Guadalupe Vázquez Formoso, quen acompañarán aos autores na presentación. A xornada está aberta ao público e promete ser unha tarde cargada de sensibilidade e emoción.