A Cofradía de Pescadores de Corcubión organiza un evento gastronómico que busca divulgar os produtos do mar e achegar a pesca de baixura ao público. A carpa instalada no muelle ofrecerá catro elaboracions de polbo: á feira, á brasa, en croquetas e en empanada. Tamén se poderán degustar longueiróns á prancha e unha novidosa empanada de millo.
O horario da cociña será o venres de 20:00 a 23:30, o sábado de 13:00 a 17:00 e de 20:00 a 23:30, e o domingo de 13:00 a 17:00.
A programación inclúe tres showcookings gratuítos na lonxa, o venres e o sábado ás 19:00 e o domingo ás 12:00. Cada taller ten 30 prazas e require inscrición previa no teléfono 981 746 951, cun límite dunha inscrición por persoa.
Os máis pequenos poderán participar en dous obradoiros de ciencia mariña impartidos por Arenaria Coordinación o sábado. O primeiro, ás 12:00, centrarase na disección de cefalópodos para nenos de 6 a 12 anos, con observación ao microscopio. O segundo, ás 19:30, explorará a biodiversidade mariña con mostras de animais e cunchas.
As prazas para estes obradoiros tamén son limitadas e requiren inscrición no 981 746 951.
Ademais, haberá unha charla dirixida por profesionais da cofradía sobre a extracción do polbo, a súa importancia histórica e curiosidades biolóxicas da especie.
