O Concello de Cee publicou no Boletín Oficial da Provincia da Coruña (BOP) as bases reguladoras do proceso selectivo para a constitución dunha bolsa de emprego de arquitecto/a municipal. O sistema será de concurso-oposición e está destinada a atender as necesidades temporais que poidan producirse no posto.
Esta bolsa permitirá efectuar os correspondentes chamamentos cando concorran as circunstancias previstas nas bases e na normativa de emprego público, como baixas, incapacidades, permisos ou vacante da praza.
O posto é de Arquitecto/a municipal, pertencente ao Grupo A, Subgrupo A1, cunha xornada completa. A titulación requirida é o título oficial de Arquitecto/a ou o título universitario oficial de Grao que habilite para o exercicio da profesión regulada de Arquitecto/a.
O prazo para presentar solicitudes foi de 10 días hábiles, contados a partir do día seguinte ao da publicación das bases no Boletín Oficial da Provincia.
O procedemento selectivo realízase mediante concurso-oposición. Na fase de concurso, que outorga un máximo de 10 puntos, valoraranse a formación específica relacionada co posto, a experiencia profesional e a titulación académica complementaria. A fase de oposición, cun máximo de 20 puntos, inclúe unha proba de coñecementos obrigatoria e eliminatoria. As bases contemplan tamén unha proba de coñecemento da lingua galega para quen non acrediten o CELGA IV ou equivalente.
A listaxe definitiva de aspirantes non inclúe ningunha persoa excluída e todas as admitidas acreditaron o nivel de galego esixido. As persoas aspirantes admitidas quedan convocadas para a realización da proba da fase de oposición o 22 de setembro de 2026 ás 10:30 horas na terceira planta da Casa da Cultura de Cee.
